Dhjetë poezi nga libri, “Kanuni poetic” I dhe Il

Kultura

Dhjetë poezi nga libri, “Kanuni poetic” I dhe Il

Nga: Atdhe Geci Më: 24 prill 2022 Në ora: 18:28
Foto e kopertines së librit

1

Roganë, e bukura Atdheut

do doja të dehesha me ty

me ngjyrat e diellit tënd

me flakët e mollëve tua

2

Në një ëndërr me pellazgi

Homeri më mori për dore

që të më tregonte Trojën

kryeqytetin e Dardanisë

3

Pyes, nga na vjen dashuria, ku mund të ngec

kush e ka zemrën aq të ligë e të shtjen mbi

dashnorët, mbi ata që e duan fort njëri tjetrin.

4

Nëse ne marrim anën e duhur në histori

shqiptarët për fitore do të kemi një

bashkështet shqiptar dhe një flamur!...

5

Epërsia shkrimit ndaj të folurit me gojë

vazhdon pandalshëm dhe pa ndryshime,

është vështirë t´ua afrosh të tërve librin

porosia e librave s´kuptohet pa i lexuar!…

6

Librat janë zogj të mendimeve

flatrat e tyre shpërthejnë orbitat

Me diell librash s´matet asgjë

vullkani është i vogël para librit

7

Kosovë, epikja Ilirisë

edhe në kohën tonë

po ajo Trojë shkilet

po ajo Trojë digjet

po ajo Trojë tymon…

8

Dashuria është e të gjithëve

dashuria është e të gjithave

këtë ma thoshte sot mikja

tek shëtisja me të Prishtinës

9

Shqipja s´ka pse të frikohet

nga prejardhja pellagzo-ilire

e vërteta është materje, atom

është grushti që e do të tijën…

10

Nga të gjitha gjësendet në botë

vetëm libri flet dhe bën dritë,

vetëm libri mbushë të vërtetën,

e shtatëzënë lë lirinë e shkelur…

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat