Policia ka njoftuar se intervenimin në Stacionin e Autobusëve në Prishtinë gjatë ditës së djeshme e kishte bërë pasi një grua ua kishte bërë me dije se ka marrë telefonatë nga një person, që ka thënë se ka mjet shpërthyes atje.
Lajmi është bërë i ditur nga vetë Policia, duke dhënë detaje nga aksioni.
“Ankuesja femër kosovare punëtore në stacionin e autobusëve në Prishtinë ka informuar se kishte pranuar një thirrje telefonike nga një person i cili ka lajmëruar se është një mjet shpërthyes në stacion të autobusëve. Njësitet policore kanë evokuar të gjithë personat. Njësiti për deminim i PK-së dhe njësiti K-9 kanë kontrolluar, por nuk kanë gjetur asgjë të dyshuar”, thuhet në njoftim.
Policia deri më tani nuk ka bërë të ditur nëse ka ndonjë të dyshuar lidhur me këto telefonata.
