Iu ndalua hyrja në Kosovës, reagon zyra e Petkoviqit

Lajme

Iu ndalua hyrja në Kosovës, reagon zyra e Petkoviqit

Më: 12 tetor 2022 Në ora: 11:29
Petar Petkoviq

Petar Petkoviqit, drejtor i së ashtuquajturës “Zyre për Kosovën”, në Qeverinë e Serbisë i është ndaluar hyrja në Kosovë.

Kishte të shkonte në kurorëzimin e Patriarkut serb Porfiri në Patriarkanën e Pejës.

Sipas kësaj të ashtuquajture “zyreje”, Petkoviqit i është ndaluar hyrja në Kosovë për të dhjetën herë.

“Kjo është hera e dhjetë që autoritetet në Prishtinë, të udhëhequra nga Albin Kurti, demonstrojnë forcë dhe arbitraritet dhe ia kanë ndaluar Petkoviqit të vizitojë Kosovën. Kjo është shkelje brutale e marrëveshjes, si ajo për lirinë e lëvizjes dhe Marrëveshja për vizitat zyrtare, e cila parasheh një procedurë të thjeshtuar për vizitën e kryenegociatorit për dialogun me Prishtinën”, thuhet në njoftim.

Kjo e ashqutuajtura “Zyra”, siç transmeton portali propagadistik në gjuhën serbe Kosovo-online citon se Petkoviqi “në mënyrë të duhur, duke respektuar absolutisht të gjitha marrëveshjet e arritura, ka paralajmëruar vizitën dhe praninë e tij në kremtimin e Manastirit të Patriarkanës së Pejës”.

Po ashtu, kjo “zyre” thotë se Petkoviq kishte planifikuar të merrte pjesë të enjten në manifestimin “Ditët e Moravisë” në Gornji Kusac, por autoritetet në Prishtinë këtë mëngjes e ndaluan vizitën”.

E për këtë thonë se do ta informojnë Brukselin zyrtar, për siç pretendon kjo “zyre” shkelje brutale të marrëveshjeve të arritura në Bruksel. 

comment Për komente lëvizni më poshtë
Sot mund të lexoni Shfletoni kopertinat