Viti i mbarë i Taylor Swift

Mediale Vip

Viti i mbarë i Taylor Swift

Më: 29 nëntor 2020 Në ora: 14:53
Taylor Swift

Ky vit për Taylor Swift mund të ketë qenë ndër më të suksesshmit. Nominimet e saj në Grammy Awards 2021, marrja e çmimit kryesor në American Music Awards e ngritën gjithnjë e më lart këngëtaren. Jo vetëm kaq, por Swift prej disa kohësh renditet në 5 vendet e para dhe kjo falë albumit të saj Folklore, i cili deri më tani ka marrë vlerësime shumë të mira.

Sipas asaj që raportojnë mediat rozë pas këtij suksesi fshihet një bashkëpunëtor misterioz, i njohur me emrin William Bowery, që e ka ndihmuar këngëtaren. Në të vërtetë ai njihet me emrin Joe Alwyn dhe mendohet se i ka vjedhur edhe zemrën Taylor-it.

Fansat kishin spekuluar që nga fillimi se ky emër kaq misterioz ka qenë edhe bashkautor edhe i disa këngëve të saj. Në fakt sipas asaj që raporton revista Elle, Taylor e ka mbajtur të fshehtë këtë lidhje për 3 vite radhazi.

Për albumin Folklore është realizuar edhe një film-dokumentar ku Swift diskuton rreth këngëve të albumit me producentët si dhe me Joe Alwyn. Taylor aty zbulon se Alwyn ka shkruar të gjithë tekstin e këngës “Exile”.

Folklore është albumi i tetë i Swift i cili u publikua në Korrik të këtij viti një bashkëpunim me Aaron Dessner dhe vokalistin e grupit “Bleachers”, Jack Antonoff. Aktualisht në YouTube, 17 këngët e Taylor kanë marrë më shumë se 23 milionë klikime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat