Disa ditë më parë, dy nga konkurrentët “Për’puthen” u kthyen në kryefjalën e mediave rozë, por edhe në rrjetet sociale. Është fjala për Sindin dhe Julianin, e shkak u bë batutat e këtij të fundit për “vajin e Borshit, ekstra i virgjër”.
Teksa Juli tha se e kishte bërë si kompliment, Sindi nuk e mori aspak ashtu dhe u ofendua shumë. Ajo nisi të bërtiste në studio, derisa u largua fare nga aty.
Më vonë në “Për’puthen Pirme” pati një përballje mes dy konkurrentëve, ku Sindi i kërkoi llogari Julit për komentin, duke e mbyllur aty atë histori që bëri shumë bujë.
Madje u duk se Sindi vendosi që ta merrte me sportivitet atë koment dhe të bëjë edhe ajo batutat në rrjetet sociale. “Heyyy jam ekstra e virgjër, vaj Borshi.. po më ofendon tani”, shkruante në “Instastory” kur dikush i përmendi batutën e Julit.
Por si është marrëdhënia e saj me Julin pas ballafaqimit me të? Kjo ka qenë pyetja që një ndjekës i ka drejtuar së fundmi Sindit, e ajo nuk ka ngurruar që të përgjigjet.
“Ne as nuk u vramë, as nuk patëm diçka që të mos flasim më kurrë me njëri-tjetrin. Një leksion shumë i rëndësishëm që kam mësuar unë në “Përputhen” është ‘kurrë mos thuaj kurrë’”, tregoi konkurrentja e “Për’puthen” në “Instastory”.
