Rrëfehen Meghan dhe Harry: Familja mbretërore ishte e shqetësuar për ngjyrën e lëkurës së Archie

Mediale Vip

Rrëfehen Meghan dhe Harry: Familja mbretërore ishte e shqetësuar për ngjyrën e lëkurës së Archie

Më: 8 mars 2021 Në ora: 08:46
Meghan Markle

Duka dhe Dukesha e Sussex Harry dhe Meghan Markle kanë zbuluar më shumë detaje nga largimi i tyre nga familja mbretërore dhe zhvendosja në Amerikë.

Në një intervistë të shumëpritur përballë Oprah Winfery, Meghan u shpreh se ishte e tronditur nga mënyra sesi ishte reaguar për ardhjen në jetë të djalit të saj Archie.

"Në muajt kur isha shtatzënë, gjatë të gjithë kohës ishte e njëjta gjë e njëjta bisedë; ai nuk do të japë siguri, atij nuk do t’i jepet asnjë titull e po ashtu kishte shqetësime e biseda sesa e errët do të ishte lëkura e tij kur të lindte”, rrëfeu dukesha.

Gjatë intervistës Meghan Markle rrëfeu se kishte qenë, e palumtur e madje kishte menduar edhe të vetëvritej.

"Në atë kohe kisha shumë turp ta thosha e po ashtu kisha turp ta pranoja, veçanërisht para Harry, sepse e di se sa humbje ka pësuar dhe sa ka vuajtur, por e di se nëse nuk do ta kisha thënë, do ta kisha bërë dhe unë nuk doja të jetoja më”, tha Markle.

"Ne kemi një mik shumë të ngushtë, i cili ka qenë me ne gjatë gjithë këtij procesi, por për familjen ata e kanë shumë këtë mentalitet se kjo është mënyra se si duhet të jetë, do të thotë që ti nuk mund ta ndryshosh atë", u shpreh Duka i Sussex, Harry.

Ndërsa çifti nuk kishte asgjë përveç lëvdata për mbretëreshën, intervista zbuloi shumë të pathëna rreth tyre dhe tani të gjithë janë në pritje të reagimit nga Pallati Buckingham.

Sot mund të lexoni Shfletoni kopertinat