Reagon për herë të parë regjisori Joel Souza që mbeti i plagosur nga rasti tragjik i Alec Baldwin

Mediale Vip

Reagon për herë të parë regjisori Joel Souza që mbeti i plagosur nga rasti tragjik i Alec Baldwin

Më: 24 tetor 2021 Në ora: 17:19
Halyna Hutchins/Joel Souza/Alec Baldwin

Regjisori Joel Souza ka reaguar për herë të parë pas ngjarjes tragjike që ndodhi në xhirimet e filmit të Alec Baldwin, “Rust”.

Ai bëri një deklaratë pasi kishte mbetur i plagosur nga Alec, i cili po ashtu vrau aksidentalisht edhe drejtoreshën e fotografisë, Halyna Hutchins.

“Jam i mërzitur nga vdekja e shoqes dhe koleges sime, Halyna”, tha Souza në një deklaratë për Fox News. “Ajo ishte e sjellshme, jashtëzakonisht e talentuar dhe luftoi për çdo centimetër e gjithmonë më shtynte të bëhesha më i mirë. Në këtë moment të vështirë ngushëllimet e mia shkojnë për familjen e saj”.

“Jam i përulur dhe mirënjohës nga dashuria që kemi marrë nga komuniteti ynë i kineastëve, njerëzit e Santa Fe dhe qindra të huajt që kanë arritur… Kjo me siguri do të më ndihmojë në shërimin tim”.

Souza u shtrua në spital meqë ishte qëlluar nga Baldwin gjatë xhirimeve të një skene në fermën Bonanza Creek afër Santa Fe. Në po të njëjtën ngjarje ngeli e vdekur Halyna Hutchins.

Alec pas gjithë kësaj bëri një reagim duke thënë se ndihet i tronditur dhe zemërthyer për atë që ndodhi.

Hutchins, 42-vjeçe, kishte lindur në Ukrainë dhe jetonte në Venice Beach, Kaliforni, së bashku me bashkëshortin Matthew dhe djalin e tyre, Andros.

Ajo ndoqi Universitetin Kombëtar të Kievit dhe u diplomua në degën Gazetari Ndërkombëtare.

E njëjta u transferua në ShBA dhe u zhvendos në Los Angeles, ku edhe filloi punën në fotografinë e modës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat