Bënë shqiponjën me duar bashkë me Miss Serbinë, flasin vajzat shqiptare: Erdhi në dhomën tonë duke qarë

Mediale Vip

Bënë shqiponjën me duar bashkë me Miss Serbinë, flasin vajzat shqiptare: Erdhi në dhomën tonë duke qarë

Më: 8 nëntor 2021 Në ora: 09:12
Misset

Pak ditë më parë, bëri bujë në media një foto, në të cilën shfaqeshin misset shqiptare, Frontina Gashi dhe Besa Çitaku bashkë me miss Malin e Zi dhe atë të Serbisë, Valentina Petrovic, duke bërë shqiponjën me duar. 

Reagimet e ashpra te serbët bënë që Valentina të reagonte në rrjete sociale, duke kërkuar ndjesë dhe duke thënë se ishte tërhequr nga gara.

Ditën e sotme, misset shqiptare sqaruan në një intervistë për emisionin “Abc-ja e mëngjesit” se fotoja ishte e rastësishme dhe se Valentina ishte kërcënuar për të lënë garën.

“Fotoja është bërë rastësisht, kemi qenë me Miss Malin e Zi dhe me Serbinë. Na kanë ftuar me bërë një foto dhe në momentin që e ka nxjerrë Frontina në Instagram u bë e madhe. Raporti jonë mes neve ka qenë shumë i mirë, kemi qenë nëpër darka mes të tjerash por kemi pasur një raport shumë të mirë”, tha Besa.

Më tej, ata thanë se Valentina iu ishte kërkuar një foto me simbolin e Serbisë për të shuar reagimet.

“Ka qenë pa dëshirën tonë, ka qenë arsyeja që e kemi bërë me simbolin e tyre. Ka ardhur në dhomën tonë duke qarë. Na ka lutur shumë me e bërë foton. E kemi bërë për hatër të menaxherit të saj për t’u qetësuar pak gjendja dhe për të mos e larguar prej garës“, tha Besa.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat