Qumili - Fifit: Vazhdo lojën, mos u dorëzo

Mediale Vip

Qumili - Fifit: Vazhdo lojën, mos u dorëzo

Më: 25 nëntor 2021 Në ora: 09:18
Fifi dhe Sevdai Radogoshi

Sevdai Radogoshi, humoristi shqiptar i njohur për një sërë rolesh, ka reaguar së fundmi në lidhje me rastin e këngëtares Filloreta Raçi-Fifi.

Artisti i njohur ka bërë një postim në rrjete sociale nëpërmjet të cilit shpreh mbështetjen për artisten, e cila momentalisht ndodhet brenda shtëpisë më të famshme në Shqipëri, Big Brother VIP.

Pas ngjarjes së mbrëmshme, ku Fifi humbi ndjenjat, ai i ka sugjeruar që ta vazhdojë lojën e të mos dorëzohet.

“Fifi më e forta je. Vazhdo lojën, mos u dorëzo forca”, kanë qenë fjalët e Radogoshit.

Ngjarja u shkaktua pas një debati të Fifit me opinionisten Balina Bodinaku, nga e cila u akuzua se i ka humbur vëmendja dhe se për këtë po ndërhyn tek të tjerë.

Kjo shkaktoi revoltë tek artistja nga Ferizaj, gjë që kërkoi menjëherë të largohej nga Big Brother.

Krahas aktorit, Filloreta mbështetje mori edhe nga shumë kolegë, miq e të afërm. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat