45 të vdekur në Bullgari/ Shpat Kasapi flet për aksidentin e ngjashëm që ka ndodhur 40 vite më parë: Ja roli i babait tim!

Mediale Vip

45 të vdekur në Bullgari/ Shpat Kasapi flet për aksidentin e ngjashëm që ka ndodhur 40 vite më parë: Ja roli i babait tim!

Më: 27 nëntor 2021 Në ora: 21:52
Shpat Kasapi

45 shqiptarë të Maqedonisë së Veriut humbën jetën si pasojë e aksidentit tragjik të një autobusi në Bullgari, një prej ngjarjeve më të rënda të ditëve të fundit.

Pak ditë pas tragjedisë ka reaguar këngëtari i njohur Shpat Kasapi, i cili ka ndarë me fansat e tij një histori ku përfshihet babai i tij i ndjerë. Kasapi tregon përmes mesazhit në “TikTok” se babai i tij kishte ndihmuar disa njerëz nga një aksident i ngjashëm që kishte ndodhur rreth 40 vite më parë, çuditërisht në po të njëjtin vend.

“Histori e vërtetë që ka ndodh para 40 vitesh në Bullgari aksident tragjik humbin jetën shumë njerëz, një djalë nga Tetova shpëton dhe për ndihmë i shkojnë i ndjeri babai i Shpat Kasapit, Z.Naimi tregon mami im. Shteti nuk i paska ndihmuar për spital, të gjitha shpenzimet i paska paguar babai i Shpatit, si thotë mami im i njëjti vend ka qenë ku janë aksidentuar këta njerëz tash edhe atëherë”, shkruhet në mesazhin e Shpat Kasapit.

Këngëtari thotë se ka mbetur i habitur nga kjo histori për faktin se nuk e kishte ditur më parë, por që nuk është befasuar nga gjesti i babait, pasi gjithmonë e ka njohur si një njeri human.

“Nuk e prisja këtë bamirësi nga babai im i ndjerë që është bërë virale dhe mua më erdhi befasi! Por kjo befasi nuk është e rastësishme sepse babai im ka ndihmuar shumë njerëz. Kjo thjeshtë dëshmon që pas 30 vitesh i doli e mira në shesh dhe Zoti e shpërbleftë dyfish në xhenet ishalla”, ka shkruar këngëtari Kasapi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat