Dj Dagz po kalon ditë të vështira brenda shtëpisë së Big Brother VIP Albania.
Një javë pasi u zgjodh i preferuari i publiku, Dj kosovar ka kërkuar që të largohet nga shtëpia.
Në një bisedë me Antonelën dhe Einxhelin, Dagz ka treguar se është nervoz dhe kjo gjë nuk ka të bëjë aspak me sitatutën në shtëpi.
Ai ka treguar që ka të bëjë me pjesën jashtë, ndërsa në një bisedë me Donaldin dhe Beatrixën, ai u ka thënë se mendon që menaxheri i tij është hidhëruar me të, pasi ai zgjodhi të qëndronte në shtëpi, pas largimit të PM.
Kujtojmë se Dagz dhe PM u larguan dy javë më parë, por produksioni hapi sërish një televotim mes tyre, dhe publiku zgjodhi që Dagz të kthehej sërish në shtëpi.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
