Arrestohet vëllai i ish-banores së “Big Brother VIP”, ja për çfarë arsye

Mediale Vip

Arrestohet vëllai i ish-banores së “Big Brother VIP”, ja për çfarë arsye

Më: 14 janar 2022 Në ora: 16:33
Big Brother Vip

Vëllai i këngëtares së njohur, Sheila Haxhiraj, është arrestuar këtë të enjte nga Policia e Shtetit.

34-vjeçari, Henri Haxhiraj, ra në pranga së bashku me 3 persona të tjerë gjatë operacionit të koduar “Identiteti” të zhvilluar nga Policia e Lezhës, në bashkëpunim me Departamentin e Policisë Kriminale, Drejtorinë e Forcës Operacionale, DVP Tiranë dhe DVP Elbasan.

Katër të arrestuarit akuzohen se janë pjesë e një rrjeti që shërbente për prodhimin e dokumenteve të të falsifikuara, mashtrimeve kompjuterike dhe dhënies ndihmë për kalim të paligjshëm të kufijve.

Image
Henri Haxhiraj është vëllai i këngëtares së njohur

Ata kanë përfituar shuma të ndryshme monetare që variojnë nga 500-300.000 euro nga shtetas të huaj të cilët binin pre e mashtrimit të këtij grupi.

“Gazeta Shqip” raporton se Henri Haxhiraj është vëllai i këngëtares së njohur, e cila së fundmi ishte edhe pjesë e formatit televiziv “Big Brother VIP” Sheila Haxhiraj.

Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat