“Më në fund dasmat nuk e rritën numrin e rasteve, shkaktarin gjejeni vet”, Afrim Muçiqi kritikon Qeverinë

Mediale Vip

“Më në fund dasmat nuk e rritën numrin e rasteve, shkaktarin gjejeni vet”, Afrim Muçiqi kritikon Qeverinë

Më: 21 janar 2022 Në ora: 20:47
Afrim Muçiqi

Qeveria e Kosovës pritet që gjatë ditës së sotme të miratojë masat e reja anti-COVID, e të cilat pritet të hyjnë në fuqi nga nesër.

Sipas masave të cilat janë bërë të ditura nga zëdhënësi i Ministrisë së Shëndetësisë, Faik Hoti, veprimtaria e gastronomisë do të lejohet të zhvillohet deri në orën 21:00.

Drejtori e Departamentit të Estradës, Afrim Muçiqi, i cili tha se dasmat nuk ishin shkaktar i rritjeve të rasteve me Covid-19.

“Më në fund dasmat nuk e rritën numrin, pasi nga data 18 gusht ne nuk kemi pasur funksionuar. Dasmat u mbajtën në Maqedoni dhe Shqipëri, Preshevë, e Mal të Zi, e në Kosovë nuk u mbajtën, numrat e rasteve u rritën, kështu që shkaktarin ta gjejnë ata”, tha fillimisht Muçiqi.

Gjithashtu, ai tha se do të zhvillojnë takim me MSh-në dhe IKShPK-në, derisa u shpreh se shkaktarin e rritjes së rasteve me Codi-19 duhet ta gjejnë vet ata, duke qenë se sipas tij dasmat nuk janë faktor kryesor.

“Ne do të takohemi edhe me përfaqësues të MSh-së dhe të IKShP-së, dhe sa i përket departamentit që përfaqësojë, ashtu siç e kam thënë gjithmonë dasmat nuk janë shkaktar për numrin e rritjeve të rasteve. A është mosdije e menaxhimit apo dikund tjetër është problemi, atëherë le ta kërkojnë në brendësi të tyre”, shtoi tutje Drejtori i Departamentit të Estradës.

Sa i përket hapave të mëtutjeshëm, për organizimin e protestës, Muçiqi tha se ende nuk janë mbledhur të takohen të gjitha departamentet, dhe nuk dihet nëse do të ketë ndonjë të tillë.

“Sa i përket një proteste, ne do të mblidhemi të gjithë së bashku, dhe do të dalim me një qëndrim për hapat e mëtutjeshëm”, përfundoi Afrim Muçiqi.

Në anën tjetër, media gjatë ditës ka kontaktuar edhe Petrit Kllokoqin, ku i njëjti tha se i kundërshtojnë këto masa të reja.

“E kundërshtojmë çdo masë e cila vjen pa prezencën tonë ose pa prezencën e sektorit të cilit ia ndërpren punën ose ia kufizon punën. Dhe njëkohësisht e kundërshtojmë çdo masë e cila nuk e ka në anën tjetër subvencionimin ose përkrahjen ekonomike”, tha ai, derisa shtoi se as nuk janë kontaktuar nga MSh-ja për to.

Theksojmë se sot është shënuar rekord i ri i rasteve me Covid-19, ku brenda 24 orëve janë shënuar 2,943 raste të reja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat