Sia tregon si iu rikthye rehabilitimit pas reagimeve të ashpra ndaj filmit të saj “Music”

Mediale Vip

Sia tregon si iu rikthye rehabilitimit pas reagimeve të ashpra ndaj filmit të saj “Music”

Më: 23 janar 2022 Në ora: 08:08
Sia

Këngëtarja e mirënjohur australiane Sia zbuloi se reagimi pas zgjedhjeve të saj në debutimin si regjisore në filmin “Music”, ka qenë tejet i ashpër. Ajo tha se kjo situatë e bëri të luftonte me shëndetin e saj mendor dhe si rezultat iu desh të hynte në rehabilitim.

Këngëtarja u përball me kritika nga disa avokatë për përshkrimin e saj të çrregullimit të spektrit autik si dhe për rolin e balerinës Maddie Ziegler, e cila nuk është me spektër, për të luajtur Music Gamble, një vajzë adoleshente joverbale autike, në film. Sia dhe Ziegler janë bashkëpunëtorë të vjetër që kanë punuar së bashku në “Chandelier” dhe “Elastic Heart”.

Filmi mori një sërë nominimesh për Golden Globe në shkurt të vitit 2021, por edhe kritika të ashpra. Sia tha se ishte thellësisht e prekur nga reagimi dhe kërkoi falje në rrjetet sociale në atë kohë.

Sia zbuloi se ishte Kathy Griffin ajo që e ndihmoi, pasi u përball me krizën e saj mediatike në vitin 2017.

Në një profil të ri në New York Times të Griffin, Sia vlerësoi komedianen që i shpëtoi jetën.

“Doja të vetëvritesha, m’u rikthye, ndaj shkova në rehabilitim”, tha këngëtarja. “Ajo më shpëtoi jetën”.

Këngëtarja australiane shtoi se Griffin e ftoi për darkë në një restorant paparacësh në Hollywood nëntorin e kaluar, ku të dy mund të fotografoheshin së bashku dhe të krijonin një zhurmë pozitive.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat