Një gjykatës amerikan ka vendosur që Netflix duhet t’i përgjigjet një rasti shpifjeje për serialin e tij hit “The Queen’s Gambit”

Mediale Vip

Një gjykatës amerikan ka vendosur që Netflix duhet t’i përgjigjet një rasti shpifjeje për serialin e tij hit “The Queen’s Gambit”

Më: 29 janar 2022 Në ora: 06:52
The Queen’s Gambit

Një gjykatës amerikan ka vendosur që Netflix duhet t’i përgjigjet një rasti shpifjeje për serialin e tij hit “The Queen’s Gambit”. Gjigandi i transmetimit akuzohet se ka keqinterpretuar “një nga arritjet më të rëndësishme në karrierë” të mjeshtres së shahut Nona Gaprindashvili. Ajo ka kundërshtuar një linjë në dramë ku një personazh pretendon në mënyrë të rreme se “nuk është përballur kurrë me burra”.

Avokatët thanë se gabimi kishte “njollosur reputacionin e saj personal dhe profesional” në mbarë botën. Seriali “The Queen’s Gambit”, me protagoniste Anya Taylor-Joy është historia e trilluar e mrekullisë femërore të shahut Beth Harmon. Megjithatë, ai përmban referenca për konkurrentët e jetës reale, duke përfshirë Gaprindashvilin raporton “BBC”.

Në episodin e fundit, një komentues krahason arritjet e Harmonit me ato të Gaprindashvilit, por thotë se kjo e fundit “nuk u përball kurrë me burra” në një kompeticion. Netflix kërkoi që çështja të pushohej, duke argumentuar se Amendamenti i Parë u jepte licencë të gjerë artistike krijuesve të shfaqjes. Megjithatë, të enjten një gjykatës në Gjykatën Qendrore të Qarkut të Kalifornisë tha se nuk kishte prova për ndonjë rast “duke përjashtuar pretendimet për shpifje për portretizimin e personave realë në vepra të tjera imagjinare”.

Gjykatësi tha gjithashtu: “Përkundrazi, fakti që seriali ishte një vepër fiktive nuk e izolon Netflix nga përgjegjësia për shpifje nëse të gjithë elementët e shpifjes janë ndryshe të pranishëm”. Avokatët e Gaprindashvilit vunë në dukje se ajo ishte bërë në fakt gruaja e parë në histori që i’u dha nderi dhe grada e Mjeshtres Ndërkombëtare të Shahut.

“Gjatë karrierës së saj, ajo u ndesh me paragjykime të rënda sepse ishte një grua dhe shpesh e vetmja grua që konkurronte mes burrave,” shkruanin ata në dokumentet ligjore të depozituara në SHBA.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat