Kushtrim Sheremeti – drejtor i përgjithshëm i Teatrit Kombëtar të Kosovës

Mediale Vip

Kushtrim Sheremeti – drejtor i përgjithshëm i Teatrit Kombëtar të Kosovës

Më: 6 prill 2022 Në ora: 11:16
Kushtrim Sheremeti

Aktori i njohur shqiptar, Kushtrim Sheremeti është përzgjedhur në pozitën e drejtorit të Teatrit Kombëtar të Kosovës (TKK).

Sheremeti ka nënshkruar marrëveshje për kontratë pune me Ministrinë e Kulturës, Rinisë dhe Sportit për të qenë në krye të TKK-së për katër vitet e ardhshme.

I pyetur për pozitën e re, këtë e ka konfirmuar edhe Sheremeti në një prononcim për Telegrafin.

“Po, po kam nënshkruar marrëveshjen për drejtor”, ka thënë shkurt Sheremeti.

Kujtojmë që në garë për pozitën e drejtorit të përgjithshëm të Teatrit Kombëtar ishin edhe Avni Dalipi, Blerim Krasniqi dhe Xhemail Agaj.

Vitin e kaluar drejtor i TKK-së u zgjodh dramaturgu dhe regjisori, Naser Shatrolli i cili dha dorëheqje në fillim të këtij viti.

Kushtrim Sheremeti ka lindur në Pejë ndërsa ka përfunduar Fakultetin e Arteve në Prishtinë, ai njihet për role të shumta dhe shfaqje teatrale.

commentFirst article
Sot mund të lexoni Shfletoni kopertinat