Serbët vjedhin këngën e Butrintit, Kidës e Ledrit

Mediale Vip

Serbët vjedhin këngën e Butrintit, Kidës e Ledrit

Më: 6 maj 2022 Në ora: 09:08
Kida, Ledri dhe Butrinti

Kënga “Dale” e artistëve shqiptarë, Butrintit Imeri, Kida e Ledri Vula ka qenë kënga më e klikuar e vitit të kaluar.

E kjo këngë siç duket ka tërhequr edhe vëmendjen e artistëve serbë.

Këngëtarët serbë TORINO, PASHATA, KAMELIA kanë marrë këngën e artistëve shqiptarë dhe e kanë përshtatur në gjuhën serbe.

Po ashtu ata i kanë realizuar edhe klip këngës e cila është publikuar sot, duke marrë rreth 27 mijë shikime deri tani.

Në informacionet e ofruara në videon e publikuar, shihet se nuk ekziston asnjë marrëveshje mes tyre dhe artistëve shqiptarë për të drejtat e këngës.

Më të dëgjuar këtë këngë, vërehet se vija melodike është e njëjtë me atë të “Dale”.

Madje, serbët e kanë përvetësuar krejtësisht autorësinë e këngës, duke vendosur emrat e tyre tek referenca ku tregohet se kush e ka krijuar muzikën, tekstin e aranzhmanin.

Autorët e këngës “Dale” janë Çelik Lipa producent nga SBS Entertainment, teksti nga Butrinti, Ledri e Bardhi, ndërsa në Youtube të drejtat i ka kompania AVD Digital.

Se si do të reagojnë nga autorët kosovarë që i kanë të drejtat e këngës, pritet të shihet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat