Lirohet këngëtarja Elsa Lila?

Mediale Vip

Lirohet këngëtarja Elsa Lila?

Më: 10 maj 2022 Në ora: 19:57
Elsa Lila

Mediat shqiptare raportuan së fundmi se është liruar këngëtarja e njohur shqiptare, Elsa Lila.

Avokati Saimir Visha tregoi për emisionin “Task Force” me Sonila Meçon në Syri Tv se mbesa e tij, Elsa Lila, është e lirë dhe janë pushuar të gjitha akuzat ndaj saj.

“Jam kthyer sot nga Italia. Kam drekuar me të. Janë pushuar të gjitha akuzat. E gjitha një keqkuptim. Pafajësia e saj ka qenë që në momentet e para”, tha ai.

“Kam qenë me të. Më vjen turp që bashkëpunëtorët tanë, kanë vjellur vrer për Elsën”, tha më tej Visha.

Lila u arrestua më 16 mars nga policia italiane pasi ishte pjesë e një grupi trafikimi droge.

E njëjta ishte arrestuar së bashku me 12 persona të tjerë, në mesin e tyre edhe disa boksierë që operonin në zonën e Acilias në Romë.

Sipas raportimeve që u bënë nga mediat italiane, autorja e këngës “Diferenca je ti” mbante llogaritë e grupit të trafikut të drogës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat