Tha se nuk duhej ta përfaqësonte Shqipërinë në Eurovision sepse është nga Kosova/ Ramosaj reagon ashpër ndaj Agim Doçit

Mediale Vip

Tha se nuk duhej ta përfaqësonte Shqipërinë në Eurovision sepse është nga Kosova/ Ramosaj reagon ashpër ndaj Agim Doçit

Më: 13 maj 2022 Në ora: 23:37
Foto ilustrim

Tema e Eurovisionit këto ditë është më e diskutuara në rrjetet sociale dhe mediat online.

Mos-kualifikimi i Ronela Hajatit në finalen e madhe dhe përfaqësimi i cili nga shumë kritikë u quajt i dobët, ka bërë që paraqitja e saj të jetë temë e mediave gjithandej.

Në emisionin “Ftesë në 5” i ftuar ishte tekstshkruesi i njohur Agim Doçi, njëherësh dhe anëtar i jurisë në Festivalin e Radio Televizionit Shqiptar, të cilin Hajati e fitoi në dhjetor të vitit të kaluar.

Doçi tha se shpesh është pyetur se pse nuk ia dhanë biletën e përfaqësimit Alban Ramosajt me këngën “Theje”, duke thënë se Albani është shqiptar nga Kosova dhe si i tillë duhet të konkurrojë për të përfaqësuar Kosovën në rast se ajo do të fitojë të drejtën për të marrë pjesë në festivalin evropian.

Kaq mjaftuar që Ramosaj të bëjë një sërë reagimesh në rrjetet sociale, duke thënë se i vjen turp që cilësohet si një i huaj në Shqipëri, dhe se të mos fitosh për këtë arsye Festivalin e RTSH-së është marrëzi.

Ky është reagimi i plotë i tij në Instagram.

“I Nderuar Z.Doci. (Gjithashtu antar i jurise se festivalit te fundvitit ku konkurrava me “Theje”)
Ajo qe duhet te “te vrasi” eshte fillmisht rracizmi ndaj “Shqiptareve te Kosoves” sic po na ndan e po na etiketon, pastaj era e komunizmit qe kuterbon nga ty ne kete interviste.
Europa nuk tallet me Kosovan apo Shqiperine, por me zgjedhjet qe bejm e si i lejojme te na shohin nder vite. (Meqe ra llafi, kemi nje liste te gjate me individe qe na krenojne neper bote si: Dua Lipa, Rita Ora, Ava Max, Bebe Rexha, Ermal Meta, Inva Mula, e shume te tjere)
E meqe ke qejf te na ndash, le ti hyjme me thelle natyres se kendveshtrimit tend.
Ka qene po nje “Shqiptare e Kosoves” qe na ka ngritur ne rezultatin me te larte historik ne Eurosong, apo harruat? te kujton gje emri Rona Nishliu?
Persa i perket cfare jam, jam nje Shqipe! qe madje gezoj dhe emrin Alban nga nje baba (drite paste) shume patriot dhe me dije te thella per historine dhe gjakun tone.
Flas 4 gjuhe te huaja, kam pashaporte Shqiptare dhe Kosovare, jam i lindur ne Holland, rritur ne Shqiperi me origjine nga Kosova e me rezidence ne Spanje dhe jam shume me shume Shqiptare se sa ju edhe shume me shume Europian se sa ju.
Nuk jeni askushi qe te na ndani e te na limitoni per te perfaqesuar Mamane-Shqiperi ne Europe apo kudo!
Te sygjeroj te kursesh rakine ne dalje televizive dhe te perfaqesosh moshen tuaj e te na thuash dy tre gjera te mencura heres tjeter. Uroj te jesh gjall per vitin qe vjen e te shohesh se si do na perfaqesoj nje ‘Shqiptar nga Kosova’”,
ka shkruar Albani.

Tutje, ai shkroi se në një të ardhme të afërt mund të posedojë edhe pasaportën e Spanjës, por kjo nuk e bën atë “spanjoll” me kombësi.

“Meqë kam dy pasaporta, të Kosovës dhe Shqipërisë…po pranova të marr të Spanjës dhe të heq këeto të dyja, si I vie, jam spanjoll? Do i bie pika Agim Doçit kur t’I fus një Flamenco”, shkroi në InstaStory këngëtari me prejardhje nga Kosova. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat