Marc Anthony i propozoi të dashurës së re me një unazë si ajo që i dha dikur J.Lo-së

Mediale Vip

Marc Anthony i propozoi të dashurës së re me një unazë si ajo që i dha dikur J.Lo-së

Më: 15 maj 2022 Në ora: 15:27
Marc Anthony, Nadia

Marc Anthony së fundmi i propozoi të dashurës së tij 23-vjeçare, pas vetëm tre muajsh lidhje. Por ajo që bëri më shumë zhurmë se vetë fejesa, ishte unaza me të cilën ai i propozoi që duket çuditërisht e njohur.

Modelja paraguaiane e tregoi unazën në Instagram Story të enjten, duke zbuluar se çifti po “festonte një fejesë". Anthony ende nuk e ka konfirmuar lajmin.

"Diamanti gjigant në unazën e Nadias ka të ngjarë të jetë së paku 10 karat dhe unë do ta vlerësoja të jetë një gjysmë milioni dollarë," thotë Mike Fried, CEO i The Diamond Pro, për Page Six Style.

Guri qendror i prerë në formë katore është i rrethuar nga dy gurë më të vegjël, dhe duket shumë e ngjashme me unazën që Anthony i dha ish-bashkëshortes, Jennifer Lopez, në vitin 2004.

Në atë kohë, Anthony bëri tatuazh emrin e saj në kyçin e dorës duke shkruar inicialet e saj - JLA, për Jennifer Lopez Anthony). Pasi çifti njoftoi ndarjen në vitin 2011, ai e mbuloi tatuazhin.

Kjo do të jetë martesa e katërt e Anthony.

Ai ka qenë i martuar me mbretëreshën e bukurisë Dayanara Torres nga viti 2000 deri në 2004-ën, me Lopez nga viti 2004 në 2014-ën dhe modelen Shannon De Lima nga 2014-a deri në 2017-ën. Ai ka 6 fëmijë: Ariana, 28 vjeçe dhe Chase, 26, me ish të dashurën Debbie Rosado; si dhe Cristian, 21 vjeç, dhe Ryan, 18, me Torres. Ai ndan po ashtu binjakët 14-vjeçarë, Max dhe Emme, me J.Lo-në.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat