Elon Musk akuzohet se i ekspozoi organet gjenitale ish-stjuardesës, miliarderi e “sfidon”: Më përshkruaj pjesët intime

Mediale Vip

Elon Musk akuzohet se i ekspozoi organet gjenitale ish-stjuardesës, miliarderi e “sfidon”: Më përshkruaj pjesët intime

Më: 21 maj 2022 Në ora: 15:35
Elon Musk

Njeriu më i pasur në botë, Elon Musk, ka mohuar pretendimet se ka prekur pjesët intime para një punonjëse të kompaninë e tij të raketave SpaceX gjashtë vjet më parë.

Gazeta Business Insider raportoi në një artikull se miliarderi i kishte paguar ish-stjuardesës një shifër prej 250.000 dollarë, që të mos fliste.

“Janë akuza krejtësisht të pavërteta”, shkroi Elon Musk në Twitter.

Biznesmeni tha se artikulli i Business Insider ishte i motivuar politikisht.

Themeluesi i SpaceX pretendoi se akuzat lidhen me faktin se ai po përpiqet të blejë Twitter për 44 miliardë dollarësh, si edhe ndryshimin në bindjet e tij politike.

Ai deklaroi të mërkurën se nuk do të mbështeste më Partinë Demokratike, por planifikon që të votojë për republikanët në zgjedhjet e ardhshme.

Sipas Business Insider, SpaceX nënshkroi me gruan e paidentifikuar një marrëveshje që u zgjidh jashtë gjykatës dhe, si pjesë e marrëveshjes, ajo nuk lejohet të padisë kompaninë ose të flisë për incidentin.

Revista citon një mik anonim të stjuardesës, i cili pretendon se ajo ka nënshkruar një deklaratë që të mos flasë.

Sipas këtij burimi për Insaider, Musk ka “ekspozuar veten ndaj ish-punonjëses në vitin 2016 ndërsa ajo po i bënte masazh në avionin e tij privat.”

Thuhet se miliarderi i kishte ekspozuar organet e tij gjenitale, i kishte prekur këmbën pa pëlqim e saj dhe i ofroi t’i blinte një dhuratë nëse ajo do të “bënte më shumë”, duke iu referuar kryerjes së akteve seksuale.

Në një seri postimesh në Twitter, Musk pretendoi se mikja e cituar e ish-stjuardesës është “një aktiviste/aktore e majtë në Los Anxhelos”, dhe e sfidoi atë të verifikonte pretendimet duke e përshkruar pjesët e tij intime të trupit.

“Ne i qëndrojmë historisë sonë, e cila bazohet në dokumente dhe intervista dhe flet vetë”, tha Nicholas Carlson, kryeredaktori i revistës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat