Ezra Miller akuzohet për strehimin e një nëne me tre fëmijë në një fermë ku ka armë dhe marihuanë

Mediale Vip

Ezra Miller akuzohet për strehimin e një nëne me tre fëmijë në një fermë ku ka armë dhe marihuanë

Më: 24 qershor 2022 Në ora: 23:50
Ezra Miller

Aktori i njohur amerikan, Ezra Miller, siguroi strehim për një grua të re dhe tre fëmijët e saj në pronën e tij në Vermont, e cila ishte e mbushur me armë zjarri dhe marihuanë.

Revista Rolling Stone u kontaktua nga babai i shqetësuar i këtyre fëmijëve, por edhe nga dy persona të tjerë, të cilët ishin dëshmitarë të kushteve të pasigurta, në të cilat ylli i filmit “Fanstastic Beasts” mban një nënë 25 vjeçare dhe fëmijët e saj, të cilët janë nga një deri në pesë vjeç.

Sipas revistës së përmendur, në bazë të videos që kanë shqyrtuar, bëhet fjalë për një pronë, ku armët janë “të shpërndara” nga të gjitha anët, e disa edhe fshihen në lodra prej pelushi. Një prej burimeve që kanë folur për rastin, ka përmendur një incident të supozuar kur një “fëmijë njëvjeçar mori një plumb dhe e futi në gojë”.

Miller, i cili është person i pacaktuar në bazë gjinie dhe kërkon t’i drejtohet me përemrat ata/atyre, përveç armëve, në pronë ka edhe një fermë marihuane, e cila nuk është në mesin e 25 kultivuesve të licencuar nga shteti.

Burimet që kërkuan të mbeten anonime theksuan se marihuana shpesh përdorej para fëmijëve, pa “kushte adekuate ventilimi”.

Pavarësisht kushteve që konsiderohen të rënda, nëna që banon në pronë ka thënë se aktori “i siguroi asaj dhe fëmijëve një strehë të sigurt nga ish-partneri i saj i dhunshëm”, gjë që është më e rëndësishmja për të.

“Prona e Ezras është një strehë shëruese për ne. Ata mund të kenë armë zjarri për vetëmbrojtje, por ato ruhen në një pjesë të shtëpisë ku fëmijët nuk hyjnë kurrë… Fëmijët e mi janë në gjendje të marrin më shumë, ata relaksohen për shkak të sigurisë dhe vëmendjes që Ezra u jep atyre”, është shprehur nëna për Rolling Stone.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat