Aktorja Anne Heche në gjendje kritike pas aksidentit

Mediale Vip

Aktorja Anne Heche në gjendje kritike pas aksidentit

Më: 6 gusht 2022 Në ora: 17:35
Anne Heche

Aktorja e njohur hollivudiane Anne Heche ka pësuar një aksident të rëndë trafiku, pasi makina e saj ka përplasur një shtëpi në Los Anxhelos, shkruan “Deadline”.

Aksidenti ka ndodhur dje në lagjen Mar Vista rreth orës 10:55.

“Mjeti po udhëtonte me shpejtësi të lartë, hyri në kryqëzim dhe u përplas me shtëpinë”, tha një zëdhënës i Departamentit të Policisë në Los Anxhelos.

Makina e Anne Heche më pas mori flakë dhe aktorja u dërgua në spital me djegie të tmerrshme. CNN raportoi se Anne është në gjendje kritike.

Shtëpia në të cilën Anne Heche u përplas me makinën e saj gjithashtu mori flakë dhe 59 zjarrfikës e shuan zjarrin për më shumë se një orë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat