Aktori i famshëm rrëfen për sëmundjen e rrallë, nga e cila nuk mund të shihte, të dëgjonte e as të ecte

Mediale Vip

Aktori i famshëm rrëfen për sëmundjen e rrallë, nga e cila nuk mund të shihte, të dëgjonte e as të ecte

Më: 9 gusht 2022 Në ora: 00:44
Ashton Kutcher

Ashton Kutcher ka rrëfyer se një sëmundje autoimune nga e cila vuan, e ka lënë pa aftësinë për të parë, dëgjuar apo ecur.

“Rreth dy vite më parë, e kisha një formë të çuditshme, super të rrallë të vaskulitit që ma mposhti shikimin, ma mposhti dëgjimin, ma mposhti gjithë ekuilibrin tim”, ka thënë 44-vjeçari në një prononcim, cituar nga Access Hollywood.

Aktori i famshëm hollivudian ka thënë se i është dashur rreth një vit për të rikthyer secilën nga ndjesitë.

Vaskuliti është një sëmundje e rrallë autoimune që mund të shkaktojë inflamacion të enëve të gjakut duke rezultuar në kufizimin e rrjedhës së gjakut. Ekzistojnë shumë forma të vaskulitit, por shumica e tyre atakojnë së paku një organ.

“Nuk e vlerësoni vërtet derisa të zhduket. Derisa të thuash: ‘Nuk e di nëse do të jem në gjendje të shoh përsëri, nuk e di nëse do të jem në gjendje të dëgjoj përsëri, nuk e di nëse do të jem në gjendje të ec sërish”.

“Jam me fat që jam gjallë”, ka thënë tutje ylli hollivudian, i cili tashmë është rikuperuar nga kjo gjendje. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat