Adriana Matoshi: Unë nuk di të bëj politikë, di të ndihmoj njerëz dhe të dëgjoj ankesat e kërkesat e tyre

Mediale Vip

Adriana Matoshi: Unë nuk di të bëj politikë, di të ndihmoj njerëz dhe të dëgjoj ankesat e kërkesat e tyre

Më: 16 gusht 2022 Në ora: 11:22
Ardiana Matoshi

Aktorja dhe deputetja e Kuvendit të Kosovës, Adriana Matoshi, ka pozuar së fundmi për kopertinën e revistës ‘Class’.

Me këtë rast ka dhënë një intervistë, ku ka folur më shumë për jetën, karrierën dhe tashmë për hyrjen në politikë.

Ajo është pyetur se për cilën arsye do ta linte pas karrierën dhe politikën, duke thënë për një shtëpi në mal, për natyrën apo për një qetësi.

Më pas, nëna e katër fëmijëve është pyetur nëse ka menduar ta lë politikën ndonjë ditë.

“Unë nuk di të bëj politikë. Unë di të ndihmoj njerëz, të dëgjoj ankesat dhe kërkesat e tyre. Pastaj, insistoj për ato gjëra, por nuk është që nuk kam bërë asgjë. Jam shumë e fokusuar tek dhuna në familje, tek fëmijët e sëmurë, tek komuniteti artistik, por mos u habitni që jam e re në këtë rreth”, ka thënë 42-vjeçarja.

“Fillimisht, më është dashur t’i mësoj disa terma që nuk i kam ditur e dalëngadalë kam bërë edhe punë të mira. Për momentin nuk kam menduar ta lë, të ardhmen nuk e di, aty vendos populli”, vazhdoi më tej biondja.

Adriana kohëve të fundit ka qenë më e komentuar edhe për shkak të stilit dhe paraqitjeve në Kuvend.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat