Probleme në martesën Beckham? Victoria fshin tatuazhin me inicialet e Davidit!

Mediale Vip

Probleme në martesën Beckham? Victoria fshin tatuazhin me inicialet e Davidit!

Më: 28 shtator 2022 Në ora: 12:34
Victoria dhe David Beckham

Victoria dhe David Beckham janë padyshim një nga çiftet më të famshëm në botë. Ata janë bashkë që nga viti 1999, por së fundmi fansat e çiftit janë të shqetësuar, dhe shkak për këtë është bërë një tatuazh.

Viktoria ka postuar në Instagram një video duke u grimuar, por ajo që ka tërhequr vëmendjen e ndjekësve është se ajo ka fshirë tatuazhin me inicialet e bashkëshortit. Të menjëhershme kanë qenë aludimet për marrëdhënien e tyre.

Tatuazhi është bërë për dhjetëvjetorin e lidhjes së tyre, ku përveç inicialeve kishte edhe frazën: “Së bashku përgjithmonë, përjetësisht”.

Pak ditë më parë kur mbretëresha Elizabeth II ndërroi jetë, çifti u pa bashkë gjatë funeralit, plus ata u panë së bashku të kapur për dore në një event publik. Edhe pse askush nuk e di me siguri se si po shkon lidhja e tyre, shumë po spekulojnë për faktin se pse Victoria ka vendosur të fshijë tatuazhin.

Kujtojmë që çifti u takua në 1997 dhe u martuan në 1999. Ata janë bekuar me katër fëmijë, Brooklyn, Romeo, Cruz dhe Harper.

commentFirst article
Sot mund të lexoni Shfletoni kopertinat