Blogerja dhe tashmë prezantuesja shqiptare, Armina Mevlani, u martua disa ditë më parë.
Ajo ka kurorëzuar dashurinë me martesë me partnerin e saj, Shkëlzen Berishën, me të cilin ka qenë në lidhje për një dekadë.
Ceremonia e dasmës së tyre është mbajtur në një agroturizëm në Shijak me mbi 300 të ftuar.
Bukuroshja e njohur u komentua mjaft shumë për paraqitjen e thjeshtë, përzgjedhjen e fustaneve dhe organizimin që kishte bërë për ditën e rëndësishme të tyre.
E njëjta së fundmi u ka dhënë mundësi ndjekësve të pyesin më shumë rreth dasmës përmes opsionit ‘pyetje-përgjigje’.
“A ishin fëmijët e Shkëlzenit të pranishëm në dasmën e babait të tyre?”, ka qenë pyetja që iu parashtrua Mevlanit.
“Sigurisht që po. Kemi marrëdhënie shumë të mirë, i kam njohur në moshë shumë të vogël. Tani ata janë rritur dhe gëzuan me ne”, u shpreh ajo.
Armina dhe Shkëlzeni kujtojmë dhe një herë që janë bashkë për afro dhjetë vite.
