E keni dëgjuar tek kënga 'Mora fjalë', zbuloni se kush është zëri i frazës 'Radio Dodona'

Mediale Vip

E keni dëgjuar tek kënga 'Mora fjalë', zbuloni se kush është zëri i frazës 'Radio Dodona'

Më: 29 nëntor 2022 Në ora: 19:27
Shkurte Fejza

‘Mora fjalë’ quhet një nga këngët më të dëgjuara shqipe, sidomos, kur vijnë festat e nëntorit, apo, data 17 shkurt.

Ky projekt muzikor, interpretohet nga këngëtarja e madhe, Shkurte Fejza.

Mirëpo, në kanalin Youtube të këngëtares, para se të nis kënga, dëgjohet xhingla ‘Radio Dodona’, e cila është bërë pjesë e pandashme e këngës.

Kush e këndon ‘Mora fjalë’, nuk e nis pa xhinglën ‘Radio Dodona’, te minuta 0:57 e këngës.

Por, a e keni menduar se i kujt është zëri që e thotë këtë xhingël?

Syri mëson se zëri është i profesoreshës Mimoza Doko, e cila dikur ka punuar edhe në Radio Dodona dhe njihet për një karrierë të bujshme, qoftë në gazetari, qoftë si profesoreshë universitare.

Profesoresha Doko, tregoi se sonte e mësoi për herë të parë që xhingla me zërin e saj, është pjesë e këngës së Shkurtës.

“Nuk e kam ditur, por, tash që e kuptova, është vërtetë emocion i madh që zëri im është përkrah zërit të një këngëtare të madhe” tha ajo.

E pyetur se a e ka takuar ndonjëherë këngëtaren Shkurte Fejza, ajo tha që jo, por, do donte ta takonte padyshim.

“Po të më jepet mundësia për ta takuar, do ishte shumë kënaqësi, por, unë jam aq pak në atë këngë që sfumohet nga zëri i saj, zëri im” përfundoi ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat