Fisnik Syla thotë se s’ka mundësi ribashkimi me Fjolla Morinën

Mediale Vip

Fisnik Syla thotë se s’ka mundësi ribashkimi me Fjolla Morinën

Më: 29 nëntor 2022 Në ora: 23:39
Afaristi i njohur, Fisnik Syla dhe Fjolla Morina

Afaristi i njohur, Fisnik Syla, ka qenë i ftuar së fundi në një emision për RTV ORA, ku ka folur mbi karrierën dhe jetën e tij private.

Mes të tjerash ai u pyet edhe se çfarë mendon për ish-bashkëshorten këngëtaren Fjolla Morina, për të cilën u shpreh thjeshtë: “E shkuar e harruar”.

Por kur u pyet se a ka mundësi ribashkimi me të, Syla tha se një gjë e tillë nuk mund të ndodhë kurrë, duke e përshkruar si “një gotë që s’thyhet, e cila nuk mund të kthehet siç ishte”.

“Unë nuk vuaj për një njeri që nuk ta di vlerën dhe i bie pishman pastaj, është gjithçka me vonesë. Ne bricjapët kemi pak kokën e fortë kështu që nuk ka shanse për kthim”, u shpreh mes të tjerash Fisniku duke e përmbyllur këtë temë.

Pjesë i bisedës ishte edhe një propozim publik që biznesmeni nga Gjilani ia kishte bërë kryeministrit Albin Kurti për tejkalimin e krizës ekonomike.

“Kaq shumë para ke sa për të ndihmuar një shtet?”, u pyet ai nga gazetari.

“Unë e them gjithmonë që për milionin e parë s’mund të tregoj se si e kam bërë por për të gjitha të tregoj në detaje. Atë e kam thënë në një formë solidarizimi që nëse hapet një fond, unë do jem shqiptari i parë që kontribuoj me një shumë shumë të madhe në Kosovë”, ka thënë beznesmeni Syla.

Përndryshe Fjolla Morina dhe Fisniku i dhanë fund lidhjes së tyre në prill të këtij viti dhe që atëherë më nuk kanë pasur kontakt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat