Bora Zemani rikthehet në ‘Për’Puthen’

Mediale Vip

Bora Zemani rikthehet në ‘Për’Puthen’

Më: 3 dhjetor 2022 Në ora: 12:46
Bora Zemani

Bora Zemani do të rikthehet në “Për’Puthen”. Pas shumë aludimesh, moderatorja konfirmoi rikthimin në fund të spektaklit “Dancing with the stars”.

“Të premten e ardhshme do të jemi bashkë në orën 21:00, bashkë me Elvana Gjatën, këtu në ‘Dancing with the stars’. Ndërsa me mua do të shiheni që të hënën,” tha Bora.

Ori Nebijaj mbylli rrugëtimin në “Për’Puthen” dje (e premte, 2 dhjetor) sepse do të nisë një kapitull të ri në karrierën e saj, si deputete në parlament.

Rikthimi i Borës nisi të aludohej pasi autorja Olsa Muhameti i bëri një ftesë publike. E ftuar në “Top Arena”, ajo tha:

“Personalisht kam bërë një ftesë, jo vetëm personalisht, por edhe zyrtarisht sepse u konsultova me drejtuesen e Top Channel, Lori Hoxhën, dhe i kemi bërë një ftesë zyrtare Bora Zemanit për të qenë prezantuese në ‘Për’Puthen’. Bora e njeh shumë mirë programin. Nga ana tjetër, do të ishte kthimi i saj në shtëpi, sepse Bora nuk u largua sepse nuk ka dashur ‘Për’Puthen’ apo ‘Për’Puthen’ nuk e ka dashur Borën, por mori një spektakël të madh siç është ‘Dancing with the stars’ dhe është çështje e menaxhimit të kohës. Aktualisht, përgjigjja e saj ende nuk ka ardhur. Jo se nuk e do ‘Për’Puthen’, por unë shpresoj që Bora do ta gjejë kohën për t’i menaxhuar të dyja programet dhe të mos i thotë ‘jo’ ftesës së ‘Për’Puthen’.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat