Gruaja e Ronaldos: Turp që nuk e shijuam lojtarin më të mirë në botë për 90 minuta

Mediale Vip

Gruaja e Ronaldos: Turp që nuk e shijuam lojtarin më të mirë në botë për 90 minuta

Më: 7 dhjetor 2022 Në ora: 13:27
Georgina Rodriguez- Ronaldo

Georgina Rodriguez ishte e nervozuar pasi që partneri i saj, Cristiano Ronaldo u lejua të luaj vetëm pak minuta në fitoren e Portugalisë në Kupën e Botës kundër Zvicrës.

Modelja 28 vjeçare ishte në stadium gjatë ndeshjes dhe duke e mërzitur edhe pse Portugalia fitoi 6:1, ku edhe Ronaldo shihej që nuk ishte i kënaqur sa ishte në bankën rezervë, raporton KosovaPress.

Pas ndeshjes, Rodriguez shpërtheu në rrjetet sociale duke thënë se ishte turp që nuk e shijuam lojtarin më të mirë për 90 minuta.

Ajo gjithashtu theksoi se ndërsa Portugalia këndonte himnin kombëtar, mediat në lojë ishin shumë më të përqendruara në shkrepjen e fotografive të Ronaldos, i cili ishte në bankën rezervë.

“Urime Portugalisë. Gjatë kohës kur 11 lojtarët këndonin himnin e gjithë vëmendja ishte te ti (Ronaldo). Çfarë turpi që ne nuk e shijuam lojtarin më të mirë në botë për 90 minuta. Tifozët nuk ndaluar së kërkuari ty dhe duke brohoritur emrin tënd. Shpresoj që Zoti dhe shoku yt i dashur, Fernando t’i bashkojnë duart dhe të na emocionojnë edhe një natë tjetër”, shkruante Rodriguez në “Instagram”.

Pavarësisht se u bë lojtari i parë që shënon në pesë edicione të ndryshme të Kupës së Botës, goli i vetëm i Ronaldos në këtë Botëror erdhi nga penalltia në fitoren kundër Ganës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat