Moderatorja Kiara Tito është një banore mjaft e përfolur e “Big Brother Vip”, kjo për shkak të romancës që ka nisur me këngëtarin Luiz Ejlli.
Së fundmi, në një detyrë të dhënë nga “Vëllai i Madh” për të prezantuar disa emisione të “Top Channel”, ajo kishte rolin e të ftuarës së “Shqipëria Live”, që u moderua nga Beati dhe Keisi.
Gjatë bisedës, Kiara rrëfeu edhe momentin më të sikletshëm që ka kaluar gjatë qëndrimi të saj, për më shumë se 60 ditë, në “Big Brother Vip.”
“Momentet e sikletshme janë të shumta, por momenti më i sikletshëm që kam patur ka qenë kur ndodhi ai problemi shëndetësor, që ngrita karrigen, u rrëzova. Është më i sikletshmi, sepse përveç dhimbjes që përjetova, kisha frikën e familjarëve që po më shihnin.
