Mark Zuckerberg dhe gruaja e tij, Dr Priscilla Chan, mirëpritën fëmijën e tyre të tretë!
Zuckerberg ndau me të gjithë lindjen e vajzës së tyre Aurelia Chan Zuckerberg përmes një postimi në rrjetet sociale, ku shkruan:
"Mirë se erdhe në botë, Aurelia Chan Zuckerberg! Ti je një bekim i vogël".
Në foto, Zuckerberg shihet duke buzëqeshur teksa shikon vajzën e tij të porsalindur. Në të njëjtin postim ai ka shpërndarë një tjetër foto ku Priscilla mban pranë vetes vogëlushen Aurelia.
Rikujtojmë se Zuckerberg dhe gruaja e tij, një filantrope, u takuan në një festë ku të dy po merrnin pjesë si studentë të Harvardit në vitin 2003.
Ata filluan të takoheshin që nga aty dhe u martuan 9 vjet më vonë në 2012, vetëm një ditë pasi Facebook u bë publik dhe mbajtën një ceremoni intime në oborrin e shtëpisë së tyre.
