Djali 6-vjeçar i reperit Flo Ridës është rrëzuar nga dritarja e një apartamenti të katit të pestë në New Jersey.
Vogëlushi ndodhet në njësinë e kujdesit intensiv pasi ka marrë lëndime të rënda.
Ish-i i reperit tha në një padi të ngritur të hënën se incidenti ndodhi më 4 mars. Sipas padisë fëmija i tyre, Zohar Dillard, është shtruar në spital me fraktura në legen dhe këmbën e tij të majtë, ka marrë dëmtime në mëlçi, mushkëri dhe ka gjakderdhje të brendshme.
Alexis Adams pretendoi se ndërtesa në Jersey City kishte dritare me “mbrojtës me madhësi të gabuar”, gjë që bëri që djali i saj, i cili lindi me një çrregullim të rrallë neurologjik, të binte nga kati i 6-të ë trotuar.
Padia përmend pronarët dhe menaxherët e kompleksit të apartamenteve, një kompani ndërtimi, një instalues dritaresh dhe të tjerë si të pandehur.
“Si një nënë beqare me një fëmijë me nevoja të veçanta, ky është makth. Zemra ime është thyer në një milion copë”, tha Adams në një deklaratë për News12.
“Jam e shkatërruar, e zemëruar dhe po përpiqem të pajtohem me faktin se fëmija im i vetëm ka pësuar lëndime të rënda për shkak të neglizhencës së qëllimshme të pronarit të godinës dhe të tjerëve të përfshirë në dështimin për të marrë masat e nevojshme të sigurisë.”
Ajo kërkon dëmshpërblim, pagesën e tarifave të avokatit dhe pagesën e faturave mjekësore të Zoharit.
Adams ka pretenduar se reper 43-vjeçar i nominuar për Grammy, emri i vërtetë i të cilit është Tramar Lacel Dillard, nuk është përfshirë në jetën e Zohar.
“Flo Rida e ka parë djalin e tij vetëm një herë gjatë testit të atësisë [në dhjetor 2016], por i ktheu shpinën”, pohoi ajo për Daily Mail në maj 2018.
Zohar vuan nga hidrocefalusi, që shkaktohet nga një akumulim jonormal i lëngut cerebrospinal (CSF) brenda zgavrave të trurit të quajtura barkushe, duke rezultuar në presion në tru”, sipas Shoqatës Hydrocephalus.
Nuk ka një kurë për këtë sëmundje.
