Ish-banori i Big Brother VIP Kosova, Fis Juniku, është shumë aktiv dhe i ndjekur në rrjetet sociale.
Shpesh, ai ndan me ndjekësit fotografi dhe video të ndryshme nga jeta e tij e përditshme apo aktivitetet në profesion.
E teksa është në pritje të nisjes së përgatitjeve për sezonin e ri të “Barber Shok”, basketbollisti dhe prezantuesi po e shfrytëzon kohën e nxehtë për të shijuar disa ditë të mira pushimi.
Ai ka publikuar së fundmi në llogarinë e tij zyrtare në Instagram një fotografi, ku ka pozuar me rroba noti në plazh.
Juniku u kujdes që të vinte në pah trupin e tij muskuloz, i cili vjen si rezultat i përkushtimit të tij në palestër dhe basketboll.
Pëlqimet dhe komentet e shumta nga ndjekësit nuk kanë munguar, shumica prej të cilëve e kanë komplimentuar për vitalitetin e tij.
