Arnold Schwarzenegger është shfaqur dhe ka shpërndarë një foto disa ditë pasi zbuloi se i kishte implantuar një stimulues kardiak dhe konfirmoi se do të jetë gati të fillojë xhirimet muajin e ardhshëm.
Duke falënderuar fansat për mbështetjen e tyre gjatë shërimit të tij, ai shkroi në Instagram se kishte marrë mesazhe të shumta mbështetjeje nga e gjithë bota.
"Kam marrë kaq shumë mesazhe dashamirëse nga e gjithë bota, por shumë njerëz kanë pyetur nëse stimuluesi i ritmit tim do të shkaktojë probleme me sezonin e dytë të "Fubar". Absolutisht jo. Unë do të jem gati për të xhiruar në prill," shkroi ai.
Ylli i "Terminator" gjithashtu ka shtuar se “mund ta shihni stimuluesin kardiak vetëm nëse shikoni nga afër” ndërsa në foto ai ka një pajisje të improvizuar që simbolizon një stimulues kardiak.
Schwarzenegger zbuloi në podcast-in e tij "Arnold's Pump Club", se ai kishte "operuar me stimuluesin kardiak dhe u bë pak më shumë një makinë".
Aktori i njohur ka një defekt të lindur në zemër dhe ka pasur disa operacione. Në vitin 1997, iu nënshtrua një zëvendësimi të valvulës pulmonare, e cila ndihmon në rrjedhjen e gjakut nga zemra në mushkëri. Në vitin 2018, kishte një operacion në zemër për të zëvendësuar një valvulë pulmonare të vjetruar që ishte futur.
Dy vjet më vonë, iu nënshtrua një operacioni për të zëvendësuar valvulën e aortës, e cila ndihmon në rrjedhjen e gjakut nga zemra në pjesën tjetër të trupit. Me këtë procedurë të fundit, Schwarzenegger tha se mjekët e këshilluan që të implantonte një stimulues kardiak "sepse një mbresë nga një operacion i mëparshëm kishte shkaktuar një rrahje të parregullt të zemrës" për disa vite.
Ai shtoi se duhet të shkojë rregullisht në kontrolle dhe se kjo është jeta me një problem të lindur në zemër, me mesazhin se pavarësisht gjithçka askush nuk do ta dëgjojë të ankohet.
