Aktorja e njohur, Patricia Clarkson, ka rrëfyer me humor se ka parë Justin Timberlake lakuriq gjatë xhirimeve të filmit “Friends With Benefits” në vitin 2011.
E ftuar në emisionin e Andy Cohen, ajo tregoi se hyri në një skenë ku Timberlake ishte plotësisht i zhveshur dhe tha me shaka se ai është “shumë i talentuar”.
Clarkson, 65 vjeç, tha se u shqetësua mos e mërziste bashkëshorten e Timberlake, Jessica Biel, duke theksuar se gjithçka ndodhi në kuadër të xhirimeve, shkruan DailyMail.
“Nuk kam dëgjuar asgjë nga ajo dhe tani jam pak e mërzitur”, shtoi ajo me ironi.
Timberlake, 44 vjeç, është komentuar shpesh për paraqitjen e tij, madje në të kaluarën është quajtur “Trousersnake” nga shtypi britanik – një nofkë që ai vetë e ka mohuar me bezdi.
Së fundmi, këngëtari u bë temë në rrjete sociale pas një incidenti me veshjen gjatë një koncerti në Nashville, ku një rrip tërhoqi vëmendjen në një zonë delikate të trupit të tij.
Videoja u bë virale, dhe komentet online nuk munguan, me ndjekës që u argëtuan me situatën.
Timberlake është i martuar me aktoren Jessica Biel, me të cilën ka dy fëmijë.
