Offset thyen heshtjen për divorcin me Cardi B

Mediale Vip

Offset thyen heshtjen për divorcin me Cardi B

Më: 13 shtator 2025 Në ora: 19:18
Offset, Cardi B

Offset më në fund ka folur hapur për divorcin e bujshëm me Cardi B, duke lënë të kuptohet se nuk ka ndërmend të nxisë drama të reja.

Në një prononcim për TMZ, reperi i “Swing My Way” tha se prioriteti i tij është paqja dhe mirëqenia e familjes:

“Ne kemi fëmijë për të rritur. Dua vetëm që ata të jenë mirë.”

Offset dhe Cardi B kanë tre fëmijë: Kulture Kiari (7 vjeçe), Wave Set (4 vjeç) dhe vajzën më të vogël, Blossom Belle, vetëm 1 vjeç. Pavarësisht ndarjes, Offset theksoi se do të vazhdojë të mbështesë karrierën e ish-bashkëshortes së tij, madje konfirmoi se do të qëndrojë pranë saj për publikimin e albumit më të ri Am I the Drama, që del më 12 shtator.

Ndërkohë, Cardi B po tregon një qasje më të ashpër. Në intervistën e saj për Billboard në shtator, kur u pyet nëse shihte një miqësi të mundshme me Offset në të ardhmen, ajo e mbylli shpejt temën me:

“E provova. Pyetje tjetër.”

Kjo nuk është hera e parë që Cardi shfaq hapur zhgënjimin e saj. Në qershor, gjatë një bisede në X Spaces, ajo e quajti Offset “baba i papërgjegjshëm”, duke pretenduar se e kishte lënë për një vit të tërë me të gjitha faturat e fëmijëve, nga shkollimi privat dhe aktivitetet jashtëshkollore, deri te siguria 24-orëshe, dadoja dhe një shef personal.

Cardi B paraqiti kërkesën për divorc në korrik 2024, me synimin kryesor të siguronte kujdestarinë kryesore të fëmijëve. Burime pranë çiftit thanë se ndarja nuk ishte e papritur, pasi të dy prej kohësh kishin reflektuar mbi të ardhmen e tyre.

Çifti u martua në vitin 2017 dhe prej muajsh përflitej për kriza në marrëdhënie para se të vinte ndarja ligjore.

Cardi B ka vijuar shpejt përpara. Së fundmi ajo fitoi një proces civil prej 24 milionë dollarësh dhe është lidhur në thashetheme romantike me yllin e NFL, Stefon Diggs.

Offset, nga ana tjetër, duket i vendosur të shmangë përplasjet publike, duke u fokusuar tek roli i tij si baba dhe tek bashkëprindërimi. Megjithatë, mbetet për t’u parë nëse Cardi do ta takojë në gjysmë të rrugës.

comment Për komente lëvizni më poshtë
Sot mund të lexoni Shfletoni kopertinat