Aktori turk Can Yaman, i cili u arrestua në Turqi si pjesë e një hetimi për trafikimin dhe konsumimin e drogës midis personazheve të famshëm, gazetarëve dhe personazheve VIP në Stamboll, është lënë i lirë.
Lajmi u raportua nga mediat turke, citon "Corriere della Sera".
Yaman, shumë i njohur edhe në Itali për rolin Sandokan dhe në disa seriale televizive të suksesshme u arrestua së bashku me 6 persona të tjerë, përfshirë aktoren Selen Gorguzel. gjatë natës në një operacion droge në Stamboll që pati bastisje në nëntë klube nate.
Hetimi u krye nga Byroja e Hetimit të Kontrabandës, Narkotikëve dhe Krimeve Ekonomike të Zyrës së Kryeprokurorit Publik të Stambollit.
Në javët e fundit, si pjesë e të njëjtit hetim, më shumë se 20 personalitete të argëtimit, personazhe VIP dhe gazetarë u kapën nga policia.
Yaman, së bashku me personat e tjerë të arrestuar, përfshirë pronarë klubesh, u dërguan në Institutin e Mjekësisë Ligjore të Stambollit për t'u testuar për përdorim të mundshëm droge.
Hetimi u krye nga Byroja e Hetimit për Kontrabandën, Trafikimin e Drogës dhe Krimet Ekonomike e Zyrës së Prokurorit të Përgjithshëm të Stambollit.
Gjatë operacionit, forcat e rendit kryen kontrolle gjatë natës në nëntë klube nate në qytet, duke çuar në arrestimin e disa tregtarëve të drogës dhe menaxherit të klubeve ku dyshohet se shpërndahej droga.
Hetimi, i cili kishte vazhduar për javë të tëra, kishte çuar tashmë në identifikimin e mbi njëzet personazheve VIP, personazheve të famshëm dhe gazetarëve, të cilët ishin vënë nën vëzhgim si pjesë e të njëjtit hetim.
