Heidi Baci do të jetë zyrtarisht moderatorja e sezonit të ri të “Për’puthen”, duke marrë drejtimin e programit pas largimit të Megi Pojanit.
Lajmi ishte paralajmëruar disa javë më parë nga “Prive by Liberta Spahiu”, ndërsa tashmë është konfirmuar edhe nga faqja zyrtare e emisionit.
Në materialin promovues të publikuar në rrjetet sociale, Heidi prezantohet në rolin e saj të ri me mbishkrimin:
“Për’puthen | Kapitull i ri | Heidi Baci – Moderatore”.
Me këtë konfirmim, Heidi Baci bëhet fytyra e re e një prej formateve më të njohura të dashurisë në televizionet shqiptare, ndërsa sezoni i ri pritet të nisë së shpejti.
Ndryshime edhe në panelin e opinionistëve
Risia nuk do të jetë vetëm në moderimin e programit.
Sezoni i ri i “Për’puthen” sjell ndryshime edhe në panelin e opinionistëve, ku këtë herë do të jenë gazetari Drini Zeqo dhe Erjola Doçi.
Dyshja do të komentojë rrugëtimin e konkurrentëve, marrëdhëniet mes tyre dhe dinamikat që pritet të zhvillohen gjatë sezonit.
Me Heidi Bacin në moderim dhe Drini Zeqon e Erjola Doçin në rolin e opinionistëve, “Për’puthen” synon të hapë një kapitull të ri në sezonin e ardhshëm.