Ministër i Jashtëm njëherëshit edhe Kryetari i AKR-së, Behgjet Pacolli, ka thënë se Aleanca Kosova e Re, Dega në Mitrovicë ka përmbyllur sot punimet e Konventës së V-të zgjedhore, përcjell “Bota sot”.
Pacolli përmes një statusi në Facebooku ka shkruar se pjesëmarrja masovike e 500 delegatëve, konfirmon faktin se AKR-ja në Mitrovicë qëndron larg dhe fuqishëm para subjekteve tjera
Ai tutje ka thënë se Bahtiri, do të angazhohen fuqishëm dhe me energji të reja politike.
Postimi i plotë:
Aleanca Kosova e Re, Dega në Mitrovicë përmbylli sot punimet e Konventës së V-të zgjedhore. Pjesëmarrja masovike e 500 delegatëve, konfirmon faktin se AKR-ja në Mitrovicë qëndron larg dhe fuqishëm para subjekteve tjera. Organet e reja të dala nga kjo Konventë, bashke me kryetarin Agim Bahtiri, do të angazhohen fuqishëm dhe me energji të reja politike, për një të ardhme mê të mirë të Komunës së Mitrovicës, si qytet i bashkuar i një Kosove sovrane e perendimore. Urime Mitrovicë, me AKR-në fuqishëm përpara.
