​VV: Tenderi 12 milionë euro i shpallur nga Përparim Rama i dyshimtë dhe favorizues

Prishtina

​VV: Tenderi 12 milionë euro i shpallur nga Përparim Rama i dyshimtë dhe favorizues

Më: 11 gusht 2022 Në ora: 11:56
Foto ilustrim nga vendi i ngjarjes

Grupi i asamblistëve të Lëvizjes Vetëvendosje në Komunën e Prishtinës, ka reaguar për tenderin 12 milionë eurosh për këshilla-konsulencë të shpallur nga kryetari Përparim Rama.

Shefi këtij grupi, Gëzim Sveçla në konferencën për media, tha se kjo kontratë është e dyshimtë, pasi ka kosto tejet të lartë dhe është favorizuese.

Ai tha se komuna ka shumë probleme të tjera të cilat janë më emergjente.

Veprime abuzive siç është rasti me tenderin për konsulencë, nuk është që se kemi pritur, por jo kaq shpejt.

Pra, ka keqmenaxhim dhe rezultate zero nga kryetari Rama. Janë bërë tetë muaj, për këtë periudhë dhe lajmi më i mirë është se kryetari Rama ka mbaruar mandatin 20 për qind.

Kryetari Rama nuk ka as vizion dhe vullnet për t’i zgjidhur problemet e shumta të qytetarëve të Prishtinës, pra asgjë nga premtimet e dhëna nuk kanë nis të zbatohen”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat