Rreth 2,500 konsumatorë në disa zona të Prishtinës kanë mbetur pa energji elektrike si pasojë e një avarie në rrjetin e shpërndarjes, ka bërë të ditur KEDS.
Sipas njoftimit, ndër zonat e prekura janë Kampusi Universitar, Aktashi dhe Lagjja Pejton.
KEDS ka njoftuar se ekipet e saj janë në terren dhe po punojnë për sanimin e problemit dhe rikthimin e furnizimit me energji elektrike.
“Ekipet janë në terren dhe po punojnë intensivisht për sanimin e avarisë dhe rikthimin e furnizimit me energji elektrike sa më shpejt të jetë e mundur”, thuhet në njoftim.
Kompania u ka kërkuar mirëkuptim konsumatorëve të prekur, duke i falënderuar për durimin deri në rikthimin e furnizimit me energji elektrike.