Kompania Kosovare për Distribuim me Energji Elektrike – KEDS, ka njoftuar se një pjesë e konsumatorëve në Prishtinë janë pa rrymë për shkak të një prishje të kabullit 20 kV në Daljen Rezonanca.
Sipas njoftimit, ekipi i KEDS-it ka dal në vend të ngjarjes dhe e ka gjetur prishjen, por sipas tyre, pronari i një shtëpie i ka penguar punëtorët e kompanisë që ta kryejnë punën e tyre.
“I njëjti person ka thirrur edhe Policinë e Kosovës, e më pas është thirrur edhe Inspektorati i Punës, të cilët i kanë detyruar punëtorët t’i ndërpresin punimet për shkak të zhurmës së makinerisë, pavarësisht se një numër i konsumatorëve aty ka mbetur pa furnizim me energji elektrike”, thuhet në njoftimin e KEDS-it.
Tutje, në reagim u tha se ekipit të kësaj kompanie i është thënë që punimet mund t’i vazhdojnë vetëm gjatë ditës.
