Elbasan/ Ndoten përrenjtë, banorët ankohen se ujërat e zeza pushtojnë rrugët

Shqipëria

Elbasan/ Ndoten përrenjtë, banorët ankohen se ujërat e zeza pushtojnë rrugët

Më: 6 dhjetor 2020 Në ora: 15:32
Foto ilustrim

Elbasani vazhdon të jetë një nga zonat më të ndotura në Shqipëri, pavarësisht një përmirësimi të vogël të shënuar vitet e fundit.

Lumenjtë dhe kanalet kulluese janë kthyer në vendgrumbullime plehrash. I tillë është edhe përroi i “Manzderes”, i cili përshkon lagjen “5 maji”, duke rënduar ndotjen mjedisore.

Qytetarët ankohen se gjatë dimrit niveli i përroit rritet, duke bërë që mbeturinat dhe ujërat e zeza të pushtojnë edhe rrugët e sheshet e tjera.

Ekspertët mjedisorë në Elbasan bëjnë apel që Bashkia të merret me pastrimin e kanaleve kulluese, si dhe të vendose para përgjegjësisë të gjithë ata që ndotin lumenjtë dhe përrenjtë.

commentFirst article
Sot mund të lexoni Shfletoni kopertinat