Vaksina anti-covid ka filluar të shpërndahet edhe për popullsinë e gjerë.
Britanina e Madhe ka qenë e para që ka nisur vaksinimimin.
Britania është edhe i pari vend në Europë që nis vaksinimin anti-covid.
Por për të treguar si është situata në vendin tonë dhe çfarë po ndodh aktualisht me koronavirusin ka folur pasdite mjeku i njohur infeksionist, Pëllumb Pipero.
I pyetur nëse është pro dhe a do e bënte vaksinën, Pipero shprehet shumë optimist dhe se do ishte një nga të parit që do e aplikonte atë.
“Mundësia për të pasur bota dhe mjekësia një vaksinë para fundit të këtij viti dhe në fillim të vitit të ardhshëm, është lajmi më i madh dhe më i mirë që bota merr në pragun e festave të fundvitit. Është një lajm jashtëzakonisht i mirë dhe i rëndësishëm për ne. Dalja në qarkullim e vaksinës fillon fundin e pandemisë dhe kjo është mëse e sigurt”, tha Pipero, teksa ka qenë i ftuar në studion e Rudina Magjistarit në Tv Klan.
“Sinqerisht do jem ndër të parët që do ta aplikoj vaksinën sepse kam besimin e plotë se së pari vaksina është zgjidhja e kësaj pandemie”.
“Së dyti vaksinat janë mjaft të sigurta dhe mbi të gjitha ndryshe nga vaksinat e tjera, kjo është më efikase rreth 94%”.
“Për të gjitha këto arsye jo vetëm që është një lajm i mirë apo që shënon fillimin e fundit të kësaj pandemie dhe unë do jem midis atyre jo vetëm si bluzë e bardhë por edhe si qytetar për ta aplikuar vaksinën jashtë dhe larg çdo skepticizmi të mundshëm që për fat të keq që edhe midis nesh në vendin tonë nuk mundon”, – u shpreh Pëllumb Pipero.
