Detajet/ Plumbat në drejtim të lokalit të vëllezërve në Shkodër, njëri efektiv policie (Emrat)

Shqipëria

Detajet/ Plumbat në drejtim të lokalit të vëllezërve në Shkodër, njëri efektiv policie (Emrat)

Më: 22 dhjetor 2020 Në ora: 22:49
Shkodër

Detaje të reja mësohen në lidhje me ngjarjen e ndodhur pak minuta më parë në Shkodër në afërsi të vendit të quajtur “5 heronjtë e Vigut” në Shkodër.

Breshëria me plumba është derdhur në drejtim të lokalit të vëllezërve Pjetri. Lokali mësohet se është në pronësi të Albert Pjetrit, ndonëse administrohej edhe nga dy të tjerët Nikoll Pjetri dhe Vlash Pjetri.

Mësohet se njëri prej tyre Nikoll Pjetri është efektiv policie, ndërsa tjetri Vlash Pjetri, ish administrator i njësisë Rrethina.

Në momentin që është sulmuar lokali brenda tij kanë qenë disa persona, të cilët kanë deklaruar se janë shtrirë përtokë kur është qëlluar.

Policia po punon për të identifikuar autorët e ngjarjes.

Më datë 22.12.2020, rreth orës 21:10, në vendin e quajtur rruga e Pompave të Ujit, fshati Dobraç, Shkodër, në rrethana ende të paqarta qëlluar me armë zjarri në drejtim të lokalit në pronësi të shtetasit  A. P.

Nga verifikimet paraprake të bëra nga shërbimet e Policisë, nuk ka persona të dëmtuar.

Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes

Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP dhe të FNSH Shkodër.

commentFirst article
Sot mund të lexoni Shfletoni kopertinat