Kryetarja e Lëvizjes Socialiste për Integrim, Monika Kryemadhi është ndalur në Frakull të Fierit ku ka dëgjuar nga afër shqetësimet e fermerëve në zonë.
“Ndryshimi po vjen dhe ne do të bëjmë më të mirën”- thotë Kryemadhi, duke shtuar se ata janë krenaria e Shqipërisë.
Postimi i plotë
Fermerët e Shqipërisë janë krenaria e Shqipërisë. Me punën e palodhur të tyre, ata i japin jetë tokës pjellore me të cilën na ka bekuar Zoti.
Të dëgjosh sfidat që përballen fermerët në Frakull të Fierit, e sidomos të rinjtë që kanë vendosur të qëndrojnë për punë të ndershme në vendlindje, vetëm sa të forcon bindjen për punën që duhet të bëjmë dhe ndihmën që kanë nevojë.
Ndryshimi po vjen dhe ne do të bëjmë më të mirën, që djersa e familjeve që i dedikohen bujqësisë të mos shkojë më dëm por mundi i tyre të vlerësohet në bazë të punës së kryer.