Prej orës 20:30 të mbrëmjes së sotme hynë në fuqi kufizimet e reja. Lëvizjet e qytetarëve janë të kufizuara nga ora 20 e 30 e mbrëmjes deri në 06 të mëngjesit.
Edhe në Fier ka filluar zbatimi i orës policore. Pas orës 20:30, në rrugët e qytetit ka pasur një qarkullim të shtuar të patrullave policore, ndërsa shihen teksa lëvizin pak këmbësorë, kryesisht ata që ktheheshin nga puna.
Dyqanet dhe lokalet u mbyllen ne orën 20.30, ndërsa rrugët u boshatisen përpara orës 21.00.
Këto masa do të jenë në fuqi deri në datën 4 janar. Më 5 janar do të rikthehet orari i vjetër i kufizimeve nga ora 22:00 deri në 06:00 të mëngjesit. Vendimi u mor nga Komiteti Teknik i Ekspertëve, si një masë për të parandaluar grumbullimet për festat e fundvitit, që mund të çonin në përhapjen e mëtejshme të virusit të Covid-19.
Personat që lëvizin për arsye pune apo arsye të domosdoshme pajisen me autorizim përmes portalit e-albania.
Për baret dhe restorantet do të lejohet vetëm shërbimi në banesë. Komiteti teknik rekomandoi të gjithë qytetarët të shmangin udhëtimet jo thelbësore si dhe aktivitetet jo thelbësore.
