Gjykata e Elbasanit pranon rishikimin e kushteve të burgosjes së Klement Balilit

Shqipëria

Gjykata e Elbasanit pranon rishikimin e kushteve të burgosjes së Klement Balilit

Më: 17 shkurt 2021 Në ora: 15:08
Gjykata e Elbasanit

Gjykata e Elbasanit ka pranuar kërkesën e Klement Balilit të njohur ndryshe si eskobari i Ballkanit për ndryshim të masës së sigurisë.

Bëhet me dije se gjykata ka vendosur që të ngrejë një grup ekspertësh mjek të cilët duhet të ndërtojnë raportin nëse Balili është vërtet me probleme shëndetësore apo jo.

Aktualisht Klement Balili vuan dënimin ne burgun e Peqinit në siguri të lartë, dhe nëpërmjet kërkesës kërkon që pjesën tjetër ta vuaj në siguri të ulët.

Në datë 17 tetor të vitit 2019 Gjykata e Apelit për Krime të Rënda la fuqi vendimin e Shkallës së Parë, duke dënuar me 10 vjet burg Balilin, dënim me gjykim të shkurtuar.

Balili duhet të  kalojë 10 vite në qeli nën akuzat për trafik droge, pastrim parash, fshehje të pasurisë dhe për grup kriminal dhe dënimin po e vuan në një burg të sigurisë së lartë.

Shfaq komentet
comments powered by Disqus
Sot mund të lexoni Shfletoni kopertinat